677000, Республика Саха (Якутия)
г. Якутск, ул. Курашова, д. 24

8 (4112) 219-331
8 (4112) 219-332

Телефон горячей линии:

«Сүбэ-ама ылан бардылар», «Ил Тумэн» хаһыат, 24.11.2016

Главная » СМИ о нас » "Сүбэ-ама ылан бардылар", «Ил Тумэн» хаһыат, 24.11.2016

Саха сиригэр идэлээх сойуустар хамсааһыннара тэриллибитэ 95 сылыгар уонна Идэлээх сойуус үлэһитин күнүгэр аналлаах өрөспүүбүлүкэҕэ араас тэрээһиннэр буоллулар. Декаданы дьоҥҥо-сэргэҕэ туһалаах көрсүһүүнэн саҕалаатылар. Сэтинньи 18 күнүгэр СР Идэлээх сойуустарын федерациятын дьиэтигэр идэлээх сойуустар юристара уонна араас тэрилтэлэр специалистара куорат олохтоохторугар босхо юридическай субэ-ама биэрдилэр.

Босхо юридическай көмө күнүгэр идэлээх сойуустар специалистарын таһынан өрөспүүбүлүкэ адвокаттарын коллегиялара, суут приставтара, Элбэх функцияны оҥорор киин, РФ Пенсионнай фондатын өрөспүүбүлүкэтээҕи салаата, Социальнай страховкалааһын фондатын өрөспүүбүлкэтээҕи салаата, Булгуччулаах медицинскэй страховкалааһын фондата, «Алмаасэргиэнбаан», «Россельхозбаан» ААУо-лар уонна да атын тэрилтэлэр кытыннылар.

 «Улэһит быһыытынан бырааба суохпут»

 Куорат олохтооҕо Раиса аутсорсинг дуогабарынан муоста сууйар. «Биһиги үһүс ыйын хамнаспытын ылбакка сылдьабыт. Юристан сүбэ-ама ыла кэллим. Кини этэринэн, биһиги хас ый аайы толорбут үлэбитинэн акт толорторуохтаах эбиппит. Билигин үлэлээбиппитин дакаастыыр кумааҕыбыт суох. Дьиҥэр, аутсорсиҥҥа көһөрөллөрүгэр бу өттүн барытын быһаарыахтаахтар эбитэ буолуо. Бэйэбит бырааппыттын үчүгэйдик билбэт буолан, күөмчүлэннибит. Юрист салгыы хайдах дьаһанарбыт туһунан сүбэлээтэ», — диэн кини кэпсээтэ.

 «Кылгас кэмнээх полис ыллым»

Николай Федоров оҕото булгуччулаах медицинскэй страховкалааһын полиһын сүтэрэн кэбиспит. «Идэлээх сойуус уопсастыбаннай киинигэр Аһаҕас аан күнэ буоларын истэн кэллим. Хата, олус туһанным. «Сахамедстрах» үлэһиттэрэ оҕобор кылгас кэмнээх полис суруйан биэрдилэр. Мэлдьи туттар полиһа бэлэмин туһунан телефонунан эттэхтэринэ, киин хонтуораттан баран ылабын», — диир.

«Социальнай карта туһунан ыйыталлар»

«Алмазэргиэнбаан» ААУо специалистарыгар ордук аҕам саастаах дьон сырыттылар. «Социальнай картаны хайдах толорторор уонна туһанар туһунан ыйыталлар. Ону оҥорторорго сайаапка биэрэллэр. 408 солк. суумалаах социальнай картанан ый устата туһанаҕыт диэн быһааран биэрэбит», — диэн баан специалиһа Мария Слепцова кэпсээтэ.

 «Оҥөлөрү үксүн оҥоробут»

Дьон үгүстэрэ элбэх өҥөнү оҥорор киин специалиһыгар сырыттылар. Специалист Алина ордук судаарыстыба өҥөтүн порталыгар регистрацияланар туһунан ыйыттылар диэн бэлиэтиир. Сотору кэминэн бары өҥөлөр электроннай ньыманан толоруллар буолуохтара. Ол иһин дьон портал олус табыгастааҕын өйдөөн, регистацияланар буоллулар. Итиэннэ элбэх киһи «Уһук илиҥҥи гектар туһунан» сокуонунан сири ыларга сайабылыанньаны хайдах толоруохха сөбүн туһунан боппуруостаах кэлэ сырытта.

Бу күн СР идэлээх сойуустарын федерацията иилээн ыыппыт Аһаҕас аанын күнүгэр 100-чэ киһи сырытта. Идэлээх сойуус бу курдук дьоҥҥо-сэргэҕэ туһалаах тэрээһиннэри сылга биирдэ эрэ тэрийэр буолбатах. Быйыл күһүн СР Национальнай библиотекатыгар босхо юридическай көмө күнүгэр үгүс куорат олохтооҕо сылдьан туһаммыта.

Сардана Кузьмина

Календарь профсоюзных событий